سید عاصم منیر کو فیلڈ مارشل کا رینک ملنا پوری قوم کے لیے باعثِ فخر ہے،سلیم مانڈوی والا

اسلام آباد:پاکستان پیپلزپارٹی کے سینئر رہنما سینیٹر سلیم مانڈوی والا کاکہناہے کہ جنرل سید عاصم منیر کو فیلڈ مارشل کے عہدے پر ترقی پانے اور ایئر چیف مارشل ظہیر احمد بابر سدھو کو اپنے عہدے کی مدت میں توسیع پر مبارکباد پیش کرتے ہیں۔
پاکستان پیپلزپارٹی کے سینئر رہنما سینیٹر سلیم مانڈوی والا نے اپنے بیان میں کہاکہ سید عاصم منیر کو فیلڈ مارشل کا رینک ملنا پوری قوم کے لیے باعثِ فخر ہے۔ پاکستان کی سرحدوں کے دفاع میں افواجِ پاکستان کی قربانیاں ناقابلِ فراموش ہیں۔ بھارتی جارحیت کا منہ توڑ جواب ہمارے عسکری اداروں کی پیشہ ورانہ مہارت کا مظہر ہے۔
انہوں نے کہاکہ فیلڈ مارشل عاصم منیر نے دشمن کو ہر محاذ پر شکست سے دوچار کیاقوم اپنی بہادر افواج کے ساتھ کھڑی ہے، ہر چیلنج کا مقابلہ کیا جائے گا۔
سلیم مانڈوی والا نے کہاکہ ایئر چیف مارشل ظہیر بابر نے فضائی دفاع کو نئی بلندیوں تک پہنچایا۔پاکستان کا دفاع ناقابلِ تسخیر ہے، مسلح افواج کو خراجِ تحسین پیش کرتے ہیں۔