لاہور: سوشل میڈیا سے شہرت حاصل کرنے والے پاکستانی گلوکار طاہر شاہ نے اعلان کیا ہے کہ وہ ہالی وڈ ڈیبیو فلم سے قبل ایک میوزک ویڈیو ریلیز کرنے جارہے ہیں۔
گلوکار کی ٹیم کی جانب سے سماجی رابطے کی ویب سائٹ ایکس پر اعلان کیا گیا ہے کہ طاہر شاہ مداحوں کے مطالبے کو پورا کرتے ہوئے جلد نیا گانا ریلیز کریں گے۔
اعلان میں یہ بھی بتایا گیا کہ نیا گانا گلوکار کی ہالی وڈ ڈیبیو فلم سے قبل آرہا ہے اور اسے طاہر شاہ کے آفیشل یوٹیوب چینل پر جاری کیا جائے گا۔
طاہر شاہ کے نئے گانے کی تفصیل اور ریلیز کی تاریخ کے حوالے سے پوسٹ میں کوئی بات نہیں بتائی گئی اور یہ خبر دی گئی کہ تاریخ کا اعلان بھی جلد ہوگا۔
خیال رہے کہ پچھلے برس جون میں گلوکار نے اپنی ہالی وڈ ڈیبیو فلم کا اعلان کرکے سوشل میڈیا پر تہلکہ مچا دیا تھا۔
