لاہور: پاکستان تحریک انصاف کے رہنما ء بیرسٹر محمد علی سیف کا کہنا ہے کہ پی ٹی آئی کو فلسطین کے حق میں بھی احتجاج کی اجازت نہیں مل رہی۔
محمد علی سیف کا اپنے بیان میں کہنا ہے کہ پولیس پی ٹی آئی کارکنان کے گھروں پر بغیر وارنٹ چھاپے مار رہی ہے۔
اُنہوں نے کہا ہے کہ پشاورہائی کورٹ نے پولیس کو بغیر وارنٹِ گرفتاری اور چھاپوں سے منع کیا ہوا ہے۔
محمد علی سیف نے مزید کہا ہے کہ پی ٹی آئی کے سوا تمام سیاسی جماعتوں کو جلسوں کی کھلی آزادی ہے۔
انہوں نے مطالبہ کیا ہے کہ صوبائی نگراں حکومت فسطائی ہتھکنڈوں کا استعمال بند کرے۔
