Home نیوز پاکستان بنوں چھاوٴنی پر دہشتگردوں کاحملہ، 8 فوجی جوان شہید، 10 دہشتگرد ہلاک

بنوں چھاوٴنی پر دہشتگردوں کاحملہ، 8 فوجی جوان شہید، 10 دہشتگرد ہلاک

Share
Share

راولپنڈی: بنوں چھاوٴنی پر دہشتگردوں کے حملے اور خودکش دھماکے میں 8 فوجی جوان شہید ہوگئے جبکہ سیکیورٹی فورسز کی بھرپور جوابی کارروائی میں تمام 10 دہشتگرد مارے گئے۔

آئی ایس پی آرکے مطابق 15 جولائی کی صبح 10دہشتگردوں کے گروپ نے بنوں چھاوٴنی پر حملہ کیا تاہم اس دوران سکیورٹی فورسز نے دہشتگردوں کی چھاوٴنی میں داخل ہونیکی کوشش ناکام بنا دی جس پر دہشتگردوں نے بارود سے بھری گاڑی چھاوٴنی کی دیوار سے ٹکرا دی۔

آئی ایس پی آر کاکہناہے کہ دہشتگردوں کی جانب سے خودکش دھماکے میں 8 بہادر جوان شہید ہوگئے جب کہ کلیئرنس آپریشن میں سکیورٹی فورسز نے دہشتگردوں کا مقابلہ کیا اور سیکیورٹی فورسز کی بھرپور جوابی کارروائی میں تمام 10 دہشتگرد مارے گئے۔

آئی ایس پی آر کے مطابق خودکش دھماکے کے نتیجے میں دیوار کا کچھ حصہ گرگیا اور اس سے ملحقہ انفراسٹرکچر کو بھی نقصان پہنچا، شہید ہونے والوں میں نائب صوبیدار محمد شہزاد، حوالدار ظلِ حسین، حوالدار شہزاد احمد، سپاہی اشفاق حسین، سپاہی سبحان مجید، سپاہی امتیاز خان، سپاہی ارسلان اسلم اور ایف سی کے لانس نائیک سبز علی شامل ہیں۔ شہدا کا تعلق ضلع پونچھ آزاد کشمیر، خوشاب، ضلع نیلم آزاد کشمیر، ضلع مظفر آباد آزاد کشمیر، ضلع کرک، ضلع بہاولپور اور لکی مروت سے ہے۔

آئی ایس پی آرکاکہناہے کہ دہشتگردی کی یہ گھناوٴنی کارروائی حافظ گل بہادر گروپ نے کی ہے جو افغانستان سے کام کرتا ہے، یہ گروپ ماضی میں بھی پاکستان میں دہشتگردی کی کارروائیوں کے لیے افغان سرزمین استعمال کرتا رہا ہے۔

آئی ایس پی آر کے مطابق افغانستان کی عبوری حکومت ایسے عناصر کے خلاف موٴثر کارروائی کرے، افغانستان سے آنے والے ان خطرات کے خلاف مناسب سمجھے جانے والے تمام ضروری اقدامات کریں گے جبکہ مسلح افواج دہشتگردی کی اس لعنت کے خلاف مادر وطن اور اس کی عوام کا دفاع کرتی رہیں گی۔

Share
Related Articles

لاہور ہائیکورٹ کے جسٹس کے نائب قاصد نے گولی مار کر خود کشی کرلی

لاہور:لاہور ہائی کورٹ کے جسٹس جواد حسن کے نائب قاصد حسنین نے...

پانچ سالہ بچے کے قتل کے الزام میں سزائے موت کے دو ملزم 17 برس بعد بری

اسلام آباد:سپریم کورٹ نے سزائے موت کے دو قیدیوں کو بری کردیا،...

آئی ایم ایف نے بین الاقوامی سرمایہ کاری منصوبوں پر ٹیکس استثنیٰ کا مطالبہ مسترد کردیا

اسلام آباد: عالمی مالیاتی ادارے (آئی ایم ایف) نے ایس آئی ایف...

ٹرین حملے کی مذمت کرتے ہیں،بی ایل اے کو پہلے ہی دہشتگرد گروپ قرار دے چکے ہیں،امریکا

اسلام آباد:امریکی سفارت خانہ نے بلوچستان میں جعفر ایکسپریس ٹرین پر حملوں...