سکیورٹی فورسز کی گاڑیوں پر دہشت گردوں کا حملہ، 14 جوان شہید

راولپنڈی :دہشت گردوں نے سکیورٹی فورسز کی 2 گاڑیوں پر حملہ کر کے پاک فوج کے 14 جوانوں کو شہید کر دیا۔

آئی ایس پی آر کے مطابق سکیورٹی فورسز کی 2 گاڑیوں کو اورماڑہ پسنی میں نشانہ بنایا گیا۔

آئی ایس پی آر نے بتایا کہ دہشت گردوں کو پکڑنے کیلئے آپریشن جاری ہے، دہشت گردوں کو پکڑ کر کٹہرے میں لایا جائے گا۔

آئی ایس پی آر کا مزید کہنا تھا کہ سکیورٹی فورسز دہشت گردی کے خاتمے کیلئے پرعزم ہیں، ہمارے بہادر جوانوں کی قربانیاں ہمارے عزم کو مزید مضبوط بناتی ہیں۔