سوراب میں بینک اور انتظامی آفیسر کی رہائش گاہ پر دہشت گردوں کا بزدلانہ حملہ ریاستی رٹ کو چیلنج کرنے کی مذموم کوشش ہے ،ترجمان بلوچستان حکومت

کوئٹہ:ترجمان بلوچستان حکومت شاہد رند نے کہاہے کہ سوراب میں بینک اور انتظامی آفیسر کی رہائش گاہ پر دہشت گردوں کا بزدلانہ حملہ ریاستی رٹ کو چیلنج کرنے کی مذموم کوشش ہے ۔
ترجمان بلوچستان حکومت کے مطابق سوراب بازار میں بینک لوٹ لیا گیا ہے مختلف سرکاری افسران کے گھر جلائے گئے ہیں ۔حملے کے دوران اے ڈی سی ریونیو ہدایت بلیدی نے لڑتے ہوئے جام شہادت نوش کیا، وطن کے سپاہی نے جان کا نذرانہ دے کر بہادری کی نئی مثال قائم کی۔اے ڈی سی رہائشگاہ پر خواتین اور بچے موجود تھے ۔
ترجمان بلوچستان حکومت کاکہناہے کہ ہندوستان کی پراکسیز نے انکی ایماء پر کارروائی کی ہے۔ریاست دشمن عناصر کی ہر کوشش ناکام بنانے کے لئے پرعزم ہیں علاقے میں سرچ آپریشن جاری ہے ۔ایف سی پولیس اور لیویز علاقے میں پہنچ گئی ہیں علاقے میں کلئیرنس آپریشن جاری ہے ۔