مقبوضہ کشمیر کی خصوصی حیثیت منسوخی کیخلاف اپیلوں پر فیصلہ آج سنایا جائیگا

نئی دہلی:بھارتی سپریم کورٹ مقبوضہ کشمیر کی خصوصی حیثیت کی منسوخی کے خلاف اپیلوں پر فیصلہ آج سنائے گی۔

سپریم کورٹ نے آرٹیکل 370 کی منسوخی کے خلاف درخواستوں پر فیصلہ 5 ستمبر کو محفوظ کیا تھا۔

بھارتی سپریم کورٹ میں دفعہ 370 کی منسوخی کے خلاف درخواستوں پر 16 دن تک سماعت ہوئی تھی۔

بھارت کے چیف جسٹس کی سربراہی میں 5 رکنی بینچ نے کیس کی روزانہ کی بنیاد پر سماعت کی تھی۔

درخواستوں میں بھارتی آئین کا آرٹیکل 370 اور جموں و کشمیر کی ریاستی حیثیت بحال کرنے کا مطالبہ کیا گیا ہے۔