Home #ٹرینڈ بانی تحریک انصاف نے حکومتی ٹیم کو مطالبات تحریری طور پر دینے کی اجازت دے دی ہے، علی ظفر

بانی تحریک انصاف نے حکومتی ٹیم کو مطالبات تحریری طور پر دینے کی اجازت دے دی ہے، علی ظفر

Share
Share

اسلام آباد:
پاکستان تحریک انصاف کے سینیٹر علی ظفر نے کہا ہے کہ بانی پی ٹی آئی عمران خان نے ان سے ملے بغیر حکومتی مذاکراتی ٹیم کو مطالبات تحریری طور پر دینے کی اجازت دی ہے۔

پی ٹی آئی کے سینیٹ میں پارلیمانی لیڈر بیرسٹر علی ظفر نے کہا کہ بانی پی ٹی آئی نے بڑا واضح کہا کہ میرے مطالبات ان لوگوں کے لیے ہیں جو بغیر کسی مقدمے کے قید ہیں یا وہ لوگ جو بڑے عرصے سے قیدو بند کی صعوبتیں برداشت کر رہے ہیں.

انہوں نے کہا کہ بانی پی ٹی آئی اپنی رہائی نہیں مانگ رہے ہیں اور بانی پی ٹی آئی نے کہا میں اپنے سارے کے سارے کیس عدالتوں سے جیتوں گا کیونکہ وہ اتنے بے بنیاد کیسز ہیں ان میں کوئی دعویٰ حقیقت ہی نہیں ہے۔

بیرسٹر علی ظفر کا کہنا تھا کہ بانی پی ٹی آئی نے کہا میرے خلاف جتنے کیسز ہیں پہلے ہی ختم ہو چکے ہیں، اب مجھے اپنے لیے کچھ نہیں چاہیے۔

عمران خان سے پارٹی رہنماؤں کی ملاقات کے حوالے سے انہوں نے کہا کہ ہمارے وکیل تو ملتے رہتے ہیں میں تو آج بھی ملا ہوں لیکن ہماری سیاسی پارٹی کو ملنے نہیں دے رہے ہیں۔

ان کا کہنا تھا کہ سیاسی پارٹی ملے گی تو تحریری ڈرافٹ دینے یا نہ دینے پر گفتگو ہو گی، حکومت نے پہلے اصرار کیا کہ آپ تحریری طور پر مطالبات دیں، ہم نے جب وقت مانگا کہ ہمیں ٹائم دے دیں اگر اج ملاقات کرنے دے دیتے تو کل تحریری طور پر مطالبات آ جاتے۔

انہوں نے کہا کہ بہرحال اب وہ معاملہ ختم ہو گیا کہ خان صاحب نے یہ کہہ دیا ہے کہ ٹھیک ہے میرے ملے بغیر بھی یہ تحریری طور پر دے دیں۔

Share
Related Articles

میانمار کے زلزلے میں مسجد کا ایک حصہ منہدم ،3 نمازی شہید،متعدد زخمی

میانمار میں آنے والے 7.7 شدت کے زلزلے نے بڑے پیمانے پر...

میرے دوستوں کو رمضان مبارک! صدر ٹرمپ کی جانب سے مسلمانوں کو وائٹ ہاؤس میں افطاری

اسلام آباد:امریکی صدر ڈونلڈ ٹرمپ نے وائٹ ہاؤس میں افطار عشائیے کا...

ذاتی خواہشات آگے لانے کے لیے قومی مفاد قربان کرنے کی جو سوچ ہے وہ بے وفائی ہے،شہباز شریف

اسلام آباد:وزیراعظم شہباز شریف نے دہشت گردی، معاشی مسائل اور ملک کے...

رمضان المبارک ایمان کی تازگی اور تزکیہ نفس کا بہترین موقع ہے، امام کعبہ

امام اور خطیب مسجد الحرام شیخ ڈاکٹر یاسر بن راشد الدوسری نے...