قومی اسمبلی میں بجٹ پر عام بحث چھٹے روز بھی جاری رہی، اراکین نے بجٹ کے حوالے سے تجاویز دیں

اسلام آباد:قومی اسمبلی میں بجٹ پر عام بحث چھٹے روز بھی جاری رہی۔ وفاقی وزیر مصطفی کمال نے کہا ملکی آبادی میں تیزی سے اضافہ تشویش ناک ہے۔ ضرورت اس امر کی ہے کہ اس حوالے سے فوری طور پر قومی پالیسی تشکیل دی جائے۔ صاف پانی کی فراہمی عوام کا بنیادی حق ہے۔ اس کی عدم دستیابی کی وجہ سے بیماریوں میں تیزی سے اضافہ ہو رہا ہےصحت کے شعبے پر خصوصی توجہ دینے کی ضرورت ہے۔
قومی اسمبلی میں بجٹ پر عام بحث جاری ہے ۔بحث میں حصہ لیتے ہوئے ارکان نے بجٹ کے حوالے تجاویز دیں۔ ارکان نے زور دیا کہ غریب عوام سے ٹیکسوں کے بوجھ کو کم کرنے کے لیے اقدامات کی ضرورت ہیں۔ انہوں نے کہا بجٹ میں عوامی فلاح و بہبود کے منصوبوں میں اضافے کی ضرورت ہے۔ ارکان کی جانب سے زراعت کے شعبے کی ترقی اور کسانوں کو زیادہ سے زیادہ ریلیف فراہم کرنے کے حوالے سے بھی تجاویز دی گئی۔
ارکان نے کہا کہ آبی وسائل پر خصوصی توجہ دینے کی ضرورت ہے۔ انہوں نے تجویز دی کہ بجٹ میں ڈیمز کی تعمیر کے لیے فنڈز کو بڑھایا جائے۔
ارکان نے اسرائیلی جارحیت کی بھرپور مذمت کرتے ہوئے کہا کہ اسرائیلی اقدامات سے دنیا کا امن خطرے میں پڑ گیا۔ ایک آزاد اور خود مختارریاست پر بلا جواز حملہ کرنا عالمی قوانین کی صریحا خلاف ورزی ہے۔ عالمی برادری ایسے جارحانہ اقدامات کا نوٹس لے۔