اسرائیلی فوج نے جنین شہر میں فوجی آپریشن شروع کر دیا

غزہ: مقبوضہ مغربی کنارے میں اسرائیلی فوج نے جنین شہر میں فوجی آپریشن شروع کر دیا۔
آپریشن کے دوران جنگی ہیلی کاپٹرز اور ٹینکوں کا استعمال کیا گیا، فلسطینی اپنے گھر چھوڑنے پر مجبورہوگئے، غزہ میں تباہ حال عمارتوں کے ملبے سے2 روزمیں200 لاشیں نکال لی گئیں، غزہ میں اسرائیلی حملوں سے تباہ حماس ہیڈکوارٹر کے باہر پولیس تعینات کر دی گئی۔
امریکی وزیر خارجہ مارکو روبیو اور اسرائیلی وزیر اعظم کا ٹیلی فونک رابطہ ہوا، نیتن یاہو کو مکمل حمایت کی یقین دہانی کرائی، حماس اور حزب اللہ کے خلاف کامیابیوں پر مبارکباد دی، ترجمان امریکی وزارت خارجہ نے کہا کہ اسرائیل کے لئے امریکی تعاون ٹرمپ کی پہلی ترجیح ہے۔
ڈونلڈ ٹرمپ کے ایلچی برائے مشرق وسطی اسٹیووٹ کوف نے غزہ کے دورے کا اعلان کردیا، اسٹیووٹ کوف نے کہا کہ غزہ معاہدے کو مانیٹراورغزہ کا معائنہ کروں گا۔