Home Uncategorized روسی صدر کے سخت ناقدمارک روٹ نیٹو کے نئے سیکریٹری جنرل منتخب

روسی صدر کے سخت ناقدمارک روٹ نیٹو کے نئے سیکریٹری جنرل منتخب

Share
Share

ایمسٹر ڈیم: روسی صدر ولادیمیر پوٹن کے سخت ناقد اور نیدرلینڈز کے وزیراعظم مارک روٹ نیٹو کے نئے سیکریٹری جنرل منتخب ہوگئے۔

غیر ملکی خبر رساں ادارے کے مطابق مارک روٹ یوکرین کے صدر ولودیمیر زیلنسکی کے دوست اور زبردست حامی ہیں اور روسی صدر ولادیمیر پوٹن پر کڑی تنقید کے لیے بھی شہرت رکھتے ہیں۔

57 سالہ مارک روٹ 14 سال سے نیدر لینڈ کے وزیراعظم کے طور پر کام کر رہے ہیں۔ انھوں نے 14 اکتوبر 2010 کو وزیراعظم کا عہدے کا حلف اُٹھایا تھا۔

نیٹو کے موجودہ سیکریٹری جنرل اسٹولٹن برگ دس برس کے لگ بھگ خدمات انجام دینے کے بعد سبکدوش ہوجائیں گے جس کے لیے نئے امیدوار کے طور پر نیدرلینڈ کے وزیراعظم مارک روٹ کا انتخاب کرلیا گیا۔

 

مارک روٹ یکم اکتوبر سے سیکریٹری جنرل نیٹو کا عہدہ سنبھالیں گے۔ وہ روس کا مقابلہ کرنے کے لیے نیٹو کے طاقتور ہونے کے حامی رہے ہیں اور ان کی تقرری روس کے لیے پریشان کن ثابت ہوسکتی ہے۔

نیٹو کے سبکدوش ہونے والے سیکرٹری جنرل اسٹولٹن برگ نے اپنے پیشرو کے طور پر مارک روٹ کی نامزدگی پر مسرت کا اظہار کرتے ہوئے کہا ہے کہ نیٹو کو اچھے ہاتھوں میں چھوڑ کر جا رہا ہوں۔

نیٹو کے نئے سیکرٹری جنرل کے نام کے اعلان پر روس نے مایوسی کا اظہار کرتے ہوئے کہا ہے کہ یوکرین کے حامی مارک روٹ کی تقرری سے نیٹو کے روس سے متعلق پالیسی میں تبدیلی کا امکان نہیں۔

Share
Related Articles

بشریٰ بی بی بھی غلامانہ انصاف کے نظام کا شکار ہے،وہ اس نظام کو قبول نہیں کریں گے،عمران خان

راولپنڈی:بانی پی ٹی آئی سے وکلا نے اڈیالہ جیل میں ملاقات کی،...

سٹاک ایکسچینج میں تیزی برقرار، انڈیکس ایک لاکھ 11 ہزار پوائنٹس کی حد عبور کر گیا

کراچی: پاکستان سٹاک ایکسچینج میں نیا ریکارڈ قائم، انڈیکس ایک لاکھ 11...

پنجاب کی ایئر لائن کے قیام کی تجویز کا جائزہ لیا جا رہا ہے، مریم نواز

لاہور:وزیرِ اعلیٰ پنجاب مریم نواز نے کہا ہے کہ وزیرِ اعظم کی...