پاکستان چھوڑنے والے غیر قانونی افغان باشندوں کی تعداد ساڑھے چار لاکھ سے زائد ہو گئی

اسلام آباد: غیر قانونی افغان باشندوں کی وطن واپسی کا سلسلہ جاری ہے، اب تک پاکستان چھوڑنے والے غیر قانونی افغان باشندوں کی تعداد 4لاکھ 54ہزار446ہوگئی ہے۔

حکومت پاکستان کے اعلان سے قبل بھی غیر قانونی افغان باشندوں کی کثیر تعداد گرفتاری کے ڈر سے پاکستان سے واپس افغانستان جاتی رہی ہے۔

30 دسمبر 2023ء کو 966 افغان شہری وطن واپس لوٹ گئے جن میں 378 مرد، 276 خواتین اور 312 بچے شامل تھے، افغانستان روانگی کیلئے 57 گاڑیوں میں 79 خاندانوں کی اپنے وطن واپسی عمل میں لائی گئی۔