لیلونگ وے: افریقی ملک ملاوی کے نائب صدر کے لاپتا طیارے کی تلاش جاری ہے۔طیارے میں ملاوی کے نائب صدر ساوٴلوس کلاوٴس سمیت 10 افراد سوار ہیں۔
غیرملکی خبرایجنسی کے مطابق نائب صدر کو ساوٴلوس کلاوٴس کو دارالحکومت لیلونگوے سے لے جانے والا طیارہ اڑان کے کچھ دیر بعد ریڈار سے غائب ہوا۔ طیارے میں نائب صدر سمیت 10 افراد سوار ہیں۔
برطانوی میڈیا کے مطابق طیارے میں ملاوی کے نائب صدر ساوٴلوس کلاوٴس سمیت 10 افراد سوار ہیں۔
ملاوی کے صدرلازراس چکویرا نے بیان میں کہا کہ نائب صدر کے طیارے کی تلاش جاری ہے۔ طیارہ کو موزوزو ائیرپورٹ پر لینڈ کرنا تھا تاہم خراب موسم اور حد نگاہ کم ہونے پر طیارے کو واپس دارالحکومت آنے کے احکامات دئیے گئے تھے۔ ریسیکو ٹیمیں طیارے کے لاپتا ہونے والے ممکنہ علاقے میں سرچ آپریشن کر رہی ہیں۔
نائب صدر کا طیارہ لاپتا ہونے کے بعد ملاوی کے صدر لازارس چکویرا نے بہاماس کے لیے فضائی سفر بھی منسوخ کردیا۔
