واشنگٹن :امریکہ میں سفیر پاکستان رضوان سعید شیخ نے 2026 کی آمد کے پر مسرت موقع پر پاکستانی سفارت خانہ واشنگٹن ڈی سی کی جانب سے مبارکباددی ہے۔نئے سال کی آمد پر خصوصی تہنیتی پیغام میں سفیر پاکستان رضوان سعید شیخ نے کہا کہ 2025 پاک امریکہ تعلقات میں بے مثال تبدیلی کا سال تھاتقریبا آٹھ دہائیوں پر محیط پاک امریکہ تعلقات میں گذشتہ سال نمایاں مثبت تبدیلی رونما ہوئی ۔
سفیر پاکستان نے کہا کہ پاک امریکہ دیرینہ تعلقات کو طویل مُدتی تعلقات میں ڈھالنے کے لئے آئی ٹی، معدنیات، توانائی، اور سیاحت سمیت متعدد نئے شعبہ جات کی نشاندہی کی گئی ہے۔ دوطرفہ مفادات میں نئے شعبہ جات میں شراکت داری وقت کی کسوٹی پر پورا اترے گی۔
سفیر رضوان سعید شیخ نے کہا کہ 2025 میں دونوں ملکوں کی اعلیٰ قیادت کے مابین متعدد روابط قائم ہوئے بڑی آبادی کے حامل دنیا کے دو بڑے ملکوں کے مابین دیرپا تعلقات کے قیام کے حوالے سے عوامی سطح پر اور کاروباری روابط کو فروغ دینے کی ضرورت ہے۔انہوں نے کہا کہ دیرپا اور پائیدار تعلقات کے حصول کے لئے قابل عمل لائحہ عمل پر یکسوئی سے کام کرنے کی ضرورت ہے۔
پاکستانی سفیرپاکستان نے کہا کہ دو طرفہ تعلقات کی مزید بہتری کے حوالے سے آئندہ سال انشا اللہ ان دنوں ہم اپنی کامیابیوں کا جائزہ لے رہے ہوں گے میری طرف سے پاکستانی امریکی کمیونٹی اور امریکی قوم کو نیا سال 2026 مبارک ہو۔
