لاہور: صوبائی ڈیزاسٹر مینجمنٹ اتھارٹی (پی ڈی ایم اے) نے 20 اپریل تک پنجاب کے مختلف اضلاع میں ہلکی بارشوں، ہواؤں اور جھکڑ چلنے کی پیشگوئی کردی۔
صوبائی ڈیزاسٹر مینجمنٹ اتھارٹی (پی ڈی ایم اے) کےڈی جی عرفان علی کاٹھیا نے ضلعی انتظامیہ کو الرٹ رہنے کی ہدایات جاری کر دی، راولپنڈی ،مری ،گلیات،اٹک چکوال میں آندھی اور بارشوں کی پیشگوئی ہے، جہلم اور منڈی بہاوالدین میں آندھی اور بارشوں کی پیشگوئی ہے۔
پی ڈی ایم اے کےڈائریکٹر جنرل نےگجرات ،گجرانوالہ، سیالکوٹ ، نارووال میں بارشوں کی پیشگوئی ہے، خوشاب،سرگودھا اورمیانوالی میں بارش کےامکانات ہیں ،لاہور ،قصور ،فیصل آباداور جھنگ میں بھی بارش اور طوفان کی پیشگوئی ہے۔
ڈی جی پی ڈی ایم اے نے کہا کہ گزشتہ روز آندھی و طوفان کے باعث 9 شہری جاں بحق اور 5 زخمی ہوئے، آسمانی بجلی گرنے سے لیہ اور کوٹ ادو میں 2 اموات ہوئیں جبکہ ایک گائے بھی ہلاک ہوئی۔ طوفان کے باعث 2 گھروں کو جزوی نقصان پہنچا۔
عرفان علی کاٹھیا نے مزید کہا کہ حکومت پنجاب کی پالیسی کے مطابق متاثرہ خاندانوں کو مالی معاونت فراہم کی جائے گی۔
