سہ ملکی سیریز فائنل ، پاکستان کی نیوزی لینڈ کیخلاف بیٹنگ جاری

اسلام آباد:سہ ملکی سیریز کے فائنل میں پاکستان نے نیوزی لینڈ کیخلاف بیٹنگ جاری ہے ۔
سہ ملکی سیریز کے فائنل میں پاکستان نے نیوزی لینڈ کیخلاف ایک وکٹ کے نقصان پر 28 رنز بنالیے۔
کراچی کے نیشنل بینک اسٹیڈیم میں کھیلے جارہے میں قومی ٹیم کے کپتان محمد رضوان نے ٹاس جیت کر پہلے بیٹنگ کرنے کا فیصلہ کیا، انہوں نے کہا کہ کوشش ہوگی میچ فتح کو یقینی بنائیں اور ٹرافی اپنے نام کریں۔
محمد رضوان کا کہنا تھا کہ ٹیم میں ایک تبدیلی کی گئی ہے محمد حسنین کی جگہ فہیم اشرف کو موقع دیا گیا ہے۔
اس موقع پر نیوزی لینڈ کے کپتان مچل سینٹنز نے کہا کہ اوپنر راچن رویندرا کی جگہ لوکی فرگوسن کو پلئینگ الیون میں شامل کیا ہے، کوشش ہے میزبان ٹیم کی ابتدائی وکٹیں جلد حاصل کرکے پریشر بڑھائیں۔
فائنل میں قومی ٹیم کے اسکواڈ میں کپتان محمد رضوان، آغا سلمان، بابراعظم، فخر زمان، سعود شکیل، طیب طاہر، فہیم اشرف، خوشدل شاہ، شاہین شاہ آفریدی، نسیم شاہ اور ابرار احمدشامل ہیں ۔