واشنگٹن میں سابق امریکی صدر ڈونلڈ ٹرمپ سے منسوب ایک ویڈیو سوشل میڈیا پر تیزی سے وائرل ہو رہی ہے، جس میں دعویٰ کیا جا رہا ہے کہ وہ ایک واقعے کے بعد ریسکیو کے دوران پھسل کر گر گئے۔
وائرل ویڈیو کے مطابق، یہ واقعہ مبینہ طور پر وائٹ ہاؤس کورسپونڈنٹس ڈنر کے دوران پیش آنے والی فائرنگ کے بعد پیدا ہونے والی افراتفری کے دوران کا بتایا جا رہا ہے۔ ویڈیو میں دیکھا جا سکتا ہے کہ سیکیورٹی اہلکار فوری طور پر موجود افراد کو محفوظ مقام پر منتقل کرنے میں مصروف ہیں۔
اسی دوران سیکیورٹی اہلکار مبینہ طور پر ڈونلڈ ٹرمپ، نائب صدر اور دیگر اعلیٰ حکام کو ریسکیو کرتے نظر آتے ہیں۔ ویڈیو میں یہ دعویٰ بھی کیا جا رہا ہے کہ اسی ہڑبڑاہٹ کے دوران ٹرمپ پھسل کر گر گئے۔
تاہم اس واقعے اور ویڈیو کی آزادانہ طور پر تصدیق تاحال ممکن نہیں ہو سکی، جبکہ مختلف سوشل میڈیا پلیٹ فارمز پر اس حوالے سے مختلف دعوے سامنے آ رہے ہیں۔
یاد رہے کہ امریکی دارالحکومت واشنگٹن میں ایک تقریب کے دوران فائرنگ کے واقعے کی اطلاعات بھی سامنے آئی ہیں، جس میں حکام کے مطابق سیکیورٹی صورتحال کو فوری طور پر کنٹرول کر لیا گیا اور حملہ آور کو گرفتار کر لیا گیا۔
