کابل :افغانستان میں تباہ کن زلزلے میں جاں بحق افراد کی تعداد 812 ہوگئی ہے جبکہ تین ہزار سے زائد زخمی ہیں ۔ صرف صوبہ کنڑ میں 800 افراد جاں بحق ہوئے ہیں ۔ ننگرہار اور لغمان میں بھی جانی نقصان ہوا۔
افغانستان کے عبوری حکومت کے ترجمان ذبیح اللہ مجاہد نے کہا ہے کہ مقامی حکام اور عوام امدادی کارروائیوں میں مصروف ہیں ۔تمام دستیاب وسائل انسانی جانیں بچانے کے لیے استعمال کیے جارہے ہیں ۔ اقوامِ متحدہ نے افغانستان میں آنے والے اس تباہ کن زلزلے پر دکھ کا اظہار کرتے ہوئے کہا ہے کہ ان کی ٹیمیں متاثرہ علاقوں میں کام کر رہی ہیں۔
امریکی جیولوجیکل سروے کے مطابق زلزلے کا مرکز ننگرہار صوبے کے شہر جلال آباد سے 27 کلومیٹر کے فاصلے پر تھا اور اس کی گہرائی صرف 8کلومیٹر تھی۔
