میرے کونسا بال سفید ہو رہے ہیں جو شادی کیلئے ہاتھ پیر ماروں؟ نازش جہانگیر

حال ہی میں بولڈ لباس کے باعث تنقید کی زد میں آنے والی پاکستانی معروف ماڈل و اداکارہ نازش جہانگیر نے اپنی شادی کی منصوبہ بندی سے پردہ اْٹھا دیا۔
حال ہی میں اداکارہ نے نجی ٹی وی پروگرام میں شرکت کی، جہاں انہوں نے مختلف امور پر بات چیت کی۔
دورانِ شو اپنی شادی کے حوالے سے سوال کا جواب دیتے ہوئے اداکارہ نے بتا دیا کہ وہ کب شادی کرنے والی ہیں۔
نازش جہانگیر کا کہنا ہے کہ شادی کا ایک وقت مقرر ہے، تو میں اس سے پہلے شادی کیوں کروں؟ کیوں اس کے لیے ہاتھ پیر ماروں جب ہونی ہو گی ہوجائے گی، ابھی کونسا میری عمر نکل رہی ہے یا میرے بال سفید ہو رہے ہیں۔
اداکارہ نے نوجوان لڑکیوں کو مشورہ دیتے ہوئے کہا کہ شادی کے لیے ضروری ہے کہ آپ کی سامنے والے کے ساتھ ہم آہنگی ہو، آپ ایک دوسرے کو سمجھ سکیں اور اگر آپ سامنے والے کو سمجھ نہیں سکتے تو جلد بازی میں شادی کا فیصلہ نہ لیں۔
ان کا کہنا ہے کسی بھی لڑکی کو صرف اس لیے جلد بازی میں شادی کا فیصلہ نہیں لینا چاہیے کہ اس کی عمر نکل رہی ہے بلکہ جب تک وہ سامنے والے کے ساتھ دل سے سکون محسوس نہ کرے اس وقت تک شادی کا فیصلہ نہ کرے۔