وزیر اعظم نے کہا ہے کہ خیبر پختونخوا میں عوامی رابطہ مہم کو تیز کیا جائے۔
تفصیلات کے مطابق وزیراعظم محمد شہباز شریف سے مشیر برائے قومی ورثہ، ثقافت و سیاسی امور انجنیئر امیر مقام نے ملاقات کی ہے۔
ملاقات میں قومی ورثہ و ثقافت ڈویژن کے امور پر بات چیت کی گئی جبکہ دونوں رہنماؤں نےملک کی مجموعی سیاسی صورتحال اور باہمی دلچسپی کے دیگر امور پر بھی تبادلہ خیال کیا گیا۔
اس موقع پر انجینئر امیر مقام نے وزیراعظم کو خیبر پختونخوا کی سیاسی صورتحال پر تفصیلی بریفنگ دی۔
شہباز شریف نے ہدایت کی کہ خیبر پختونخوا میں عوامی رابطہ مہم کو تیز کیا جائے اور رابطوں کو موثر بنانے کے لیے ڈیجیٹل ٹیکنالوجی کا ذمہ دارنہ استعمال کیا جائے۔
