مسلم لیگ ن کے قائدنواز شریف نے چیئرمین پی ٹی آئی عمران خان پر الزامات کی بارش کردی ہے۔
تفصیلات کے مطابق مسلم لیگ ن کے قائد نواز شریف نے لندن میں گفتگو کرتے ہوئے کہا کہ عمران خان فراڈیا پہلے ہی تھا سب دنیا جانتی ہے لیکن یہ دہشت گرد بھی ہے اس کا کسی کو علم نہیں تھا، اب واسطہ پڑا ہے تو سامنے آیا ہے۔
نواز شریف نے کہا کہ ایسی دہشت گردی اور اس سے بڑا سیاسی فراڈیا میں نے پاکستان کی سیاست میں پہلے کبھی نہیں دیکھا، یہ تو ہر معاملے میں دوسروں سے نمبر لے جا رہا ہے۔
انہوں نے کہا کہ زمان پارک میں پیڑول بم مل رہے ہیں، پیڑول بم اس لیے پھینکے کہ پولیس والے وہاں جل کر مر جائیں۔
مسلم لیگ ن کے قائد نواز شریف نے مزید کہا کہ حکومت نے جے آئی ٹی بنائی ہے جو اس سارے معاملے کی انکوائری کر کے اپنی رپورٹ پیش کرے گی کیونکہ بڑے سنگین واقعات ہیں۔
