راولپنڈی: سیمو وانڈا میں سکیورٹی فورسز کا دہشتگردوں کے ساتھ شدید فائرنگ کا تبادلہ ہوا جس کے نتیجے میں 4 دہشتگرد ہلاک ہو گئے ۔
آئی ایس پی آر کے مطابق سکیورٹی فورسز نے خفیہ معلومات پر ضلع لکی مروت کے علاقے سیمو وانڈا میں آپریشن کیا جہاں دہشت گردوں سے فائرنگ کا شدید تبادلہ ہوا۔
آئی ایس پی آر کا کہنا ہے کہ دہشتگردوں کے ساتھ فائرنگ کے تبادلے میں 4 دہشت گرد ہلاک ہوگئے جبکہ ایک دہشتگرد کو زخمی حالت میں گرفتار کر لیا گیا۔
آئی ایس پی آر کے مطابق ہلاک دہشت گرد سکیورٹی فورسز پر حملوں اور معصوم شہریوں کے قتل میں ملوث تھے، ہلاک دہشت گردوں سے بھاری مقدار میں اسلحہ و بارود بھی برآمد کیا گیا۔
آئی ایس پی آر کا کہنا ہے کہ علاقہ مکینوں کی جانب سے آپریشن کی تعریف کی گئی، مکینوں نے دہشت گردی کے خاتمے کیلئے پاک فوج کو مکمل تعاون کا یقین دلایا۔
