اسلام آباد : پاکستان تحریک انصاف خیبر پختونخوا کے صدر پرویز خٹک نے پارٹی عہدہ چھوڑنے کا اعلان کر دیا ہے۔
پریس کانفرنس کے دوران پرویز خٹک نے کہا کہ 9مئی کوجو ملک میں ہوا اچھا نہیں ہوا۔9 مئی کے واقعے کی پہلے ہی مذمت کرچکا ہوں۔ایسی حرکت اللہ نہ کرے کبھی دوبارہ ہو۔
انہوں نے کہا کہ ملک کاسیاسی ماحول خراب ہے۔میں نے فیصلہ کیا ہے پارٹی کا عہدہ چھوڑ رہا ہوں ،مستقبل کا فیصلہ دوستوں کی مشاورت سے کروں گا۔
