راولپنڈی:شمالی وزیرستان کے علاقے دوسالی میں دہشت گردوں اور سیکیورٹی فورسز کے درمیان فائرنگ کا تبادلہ ہوا تبادلے میں دو دہشت گرد مارے گئے۔
آئی ایس پی آرکے مطابق پاک فوج نے دہشت گردوں کے ٹھکانے کا پتہ لگایا اور فرار کے ممکنہ راستوں کو سیل کر دیا۔
آئی ایس پی آر کا کہنا ہے کہ پاک فوج نے فائرنگ کے تبادلے کے دوران دو دہشت گردوں کو جہنم واصل کر دیا۔
آئی ایس پی آرکے مطابق مارے گئے دہشت گردوں سے اسلحہ اور گولہ بارود بھی برآمد ہوا دہشت گرد سیکورٹی فورسز کے خلاف کارروائیوں اور معصوم شہریوں کے قتل میں ملوث رہے۔
آئی ایس پی آرکاکہنا ہے کہ علاقے میں پائے جانے والے دہشت گردوں کو ختم کرنے کے لیے آپریشن جاری ہے. مقامی لوگوں نے آپریشن کو سراہا اور دہشت گردی کی لعنت کے خاتمے کے لیے بھرپور تعاون کایقین دلایا۔
