الیکشن کمیشن کا راجہ پرویز اشرف کے بھائی کی جانب سے پولیس اہلکار کی اہانت اور دھمکیاں دینے کے معاملے کا نوٹس

اسلام آباد:الیکشن کمیشن آف پاکستان نےاسپیکر قومی اسمبلی راجہ پرویز اشرف کے بھائی کی جانب سے پولیس اہلکار کی اہانت اور دھمکیاں دینے کے معاملے کا سختی سے نوٹس لے لیا ۔

الیکشن کمیشن ذرائع کے مطابق الیکشن کمیشن نے مذکورہ واقعے کا سختی سے نوٹس لیتے ہوئے نگران وزیر اعلی پنجاب ، چیف سیکرٹری اور آئی جی پنجاب سے ذمہ داران کے خلاف فوری کارروائی کا مطالبہ کیا ہے۔

ذرائع کا کہنا ہے کہ اگر نگران حکومت پنجاب نے فوری کارروائی عمل میں نہ لائی تو الیکشن کمیشن قانون کے مطابق مداخلت کرے گا۔