اسلام آباد: وزیراعظم کے معاون خصوصی عون چوہدری اپنے عہدے سے مستعفی ہوگئے۔استحکام پاکستان پارٹی نے اپنے ارکان کو حکومتی عہدوں سے الگ ہونے کا کہا تھا۔
ذرائع کا کہنا ہے کہ عون چوہدری نے استحکام پاکستان پارٹی میں شمولیت کی وجہ سے استعفیٰ دیا۔
گزشتہ ماہ استحکام پاکستان پارٹی نے اپنے رہنماؤں کو وفاقی کابینہ سے مستعفی ہونے کی ہدایات جاری کی تھیں۔
صدر استحکام پاکستان پارٹی علیم خان کی ہدایات وفاقی کابینہ میں موجود دونوں رہنماؤں عون چوہدری اور نعمان لنگڑیال کو پہنچا دی گئی تھیں۔
فردوس عاشق اعوان کا کہنا تھا کہ استحکام پاکستان پارٹی آنے والے الیکشن میں حصہ لے گی۔
رہنما استحکام پاکستان پارٹی نے کہا تھا کہ نچلی سطح تک رسائی کیلئے پارٹی کا تنظیمی ڈھانچہ جلد تشکیل دیا جائے گا۔
