اسلام آباد: قومی اسمبلی تحلیل کرنے کی تاریخ کا ابھی فیصلہ نہیں ہوا، وفاقی وزیراطلاعات مریم اورنگزیب نے اسمبلی تحلیل ہونے سے متعلق خبروں پر وضاحت جاری کردی۔
ایک بیان میں مریم اورنگزیب نے کہا کہ قومی اسمبلی کی تحلیل کے بارے میں میڈیا رپورٹس پر بیان میں وزیراطلاعات نے کہا پی ڈی ایم اور اتحادی جماعتوں کی مشاورت سے تاریخ کا فیصلہ ہوگا۔
مریم اورنگزیب نے واضح کیا ہے کہ قومی اسمبلی کی تحلیل کی تاریخ کے فیصلے کا باضابطہ اعلان کیا جائے گا۔
اس سے قبل میڈیا پر یہ رپورٹس گردش کررہی ہیں کہ پیپلز پارٹی نے حکومت توڑنے کےلئے 8 اگست کی تاریخ تجویز کی ہے اور اس پر اتفاق رائے ہوگیاہے۔
رپورٹس کے مطابق صدر مملکت نے اگر اسمبلی توڑنے کی سمری پر دستخط نہ بھی کئے تو اسمبلی 48 گھنٹوں میں تحلیل ہو جائے گی، اتحادی حکومت 90 دن میں انتخابات کے لئے مدت مکمل ہونے سے پہلے اسمبلی تحلیل کرنا چاہتی ہے۔
