پارلیمنٹ میں قانون سازی ہو رہی ہے لیکن قانون ہمارے سامنے نہیں ہے،سینیٹر علی ظفر

اسلام آباد: پی ٹی آئی کے سینیٹر علی ظفر کا کہنا ہے کہ پارلیمنٹ میں قانون سازی ہو رہی ہے لیکن قانون ہمارے سامنے نہیں ہے۔پارلیمنٹ کی ساکھ عوام میں خراب ہو رہی ہے۔

مشترکہ اجلاس میں اظہار خیال کرتے ہوئے علی ظفر نے کہا ہے کہ پارلیمنٹ کی اکثریت نے سمجھنا تو دور قانون کو پڑھا بھی نہیں، ہاں نہ ہو جاتی ہے اور قانون پاس ہو جاتا ہے، اس قانون کی کیا اہمیت ہوگی۔

پی ٹی آئی کے سینیٹر علی ظفر نے مزید کہا ہے کہ باہمی مشورے سے مسائل کا حل نکالنا ہوتا ہے لیکن یہاں ایسا سین ہے جیسے بھیڑوں کو ہانکا جا رہا ہو، پارلیمنٹ کی ساکھ عوام میں خراب ہو رہی ہے۔