ہندوستانی طلبہ دنیا بھر میں بھارت کی سبکی کا باعث بننے لگے ۔امریکہ نے 21 بھارتی طلبہ کو جعلی ویزوں کی وجہ سے ڈی پورٹ کر دیا۔
کاروائیاں اٹلانٹا، شکاگو اور سان فرانسسکو ائیرپورٹس پر کی گئیں۔ڈی پورٹ کیے گئے افراد میں سے زیادہ کا تعلق آندھراپردیش اور تلنگانہ سے ہے۔امریکی امیگریشن حکام نے 21 بھارتی افراد پر پانچ سال کے لیے امریکہ داخلے پر پابندی بھی لگا دی۔
ذرائع کے مطابق ڈی پورٹ کیے گئے افراد جعلی ویزوں اور یونیورسٹیوں کے ایڈمیشن لیٹر کی آڑ میں امریکہ میں داخل ہونا چاہتے تھے۔ڈی پورٹ کیے گئے افراد سے امیگریشن حکام کی طویل تفتیش، موبائل فون اور واٹس ایپ ریکارڈ بھی جانچا گیا۔ بڑی تعداد میں جعلی ویزوں اور کاغذات کے پکڑے جانے پر بھارت کو عالمی سطح پر شدید سبکی کا سامناہے۔
سال2018 میں امریکہ نے 129 اور 2019 میں کینیڈا نے 150 بھارتی طلبہ کو جعلی ویزوں کی وجہ سے ڈی پورٹ کر دیا تھا۔2019 میں امریکہ نے 130 بھارتی شہریوں کو جعلی ویزے کی وجہ سے گرفتار اور سزا سنائی تھی۔
ٹورنٹو سٹار کاکہناہے کہ 2022 اور 2023 میں کینیڈا نے 700 بھارتی طلبہ کو جعلی ایڈمیشن لیٹروں کی وجہ سے ڈی پورٹ کر دیا تھا۔
