Home Uncategorized غیر معیاری انجکشن، تحقیقاتی کمیٹی کے اجلاس میں ہوشربا انکشافات

غیر معیاری انجکشن، تحقیقاتی کمیٹی کے اجلاس میں ہوشربا انکشافات

Share
Share

لاہور: آنکھوں کے غیر معیاری انجکشن سے بینائی جانے کے واقعات پر وزیراعلیٰ پنجاب کی قائم کردہ کمیٹی کے اجلاس میں ہوشربا انکشاف سامنے آگئے۔

ذرائع کے مطابق نجی ہسپتال کا مبینہ جعلی کرایہ نامہ پیش کرنے کا انکشاف ہوا، نجی ہسپتال کے پاس لیبارٹری قائم کرنے کا کرایہ نامہ موجود نہیں، نجی ہسپتال نے رہائشی کرایہ نامہ پیش کیا، نجی ہسپتال میں رہائشی کرائے نامے پر انجکشن کمپنی قائم کرنے کی تحقیقات کا فیصلہ کیا گیا ہے۔

پنجاب ہیلتھ کیئر کمیشن کو ماڈل ٹاؤن کے نجی ہسپتال کے خلاف کارروائی کی ہدایت کر دی گئی۔

اجلاس میں بیرون ممالک سے اویسٹن وائلز کی کوالٹی کنٹرول رپورٹ بھی پیش کی گئی، آئندہ ہونے والے اجلاس میں انجکشن بنانے والی کمپنی روش کے نمائندے کو بھی طلب کر لیا گیا۔

اجلاس میں بریفنگ دی گئی کہ سوئٹزرلینڈ سمیت دیگر ممالک میں اویسٹن کی کولڈ چین متاثر نہیں ہوئی۔

پاکستان آنے تک اویسٹن کا ٹمپریچر مناسب رہا، اجلاس میں نجی کینسر ہسپتال کے ٹیکوں کی فروخت کی رپورٹ بھی پیش کی گئی۔

اجلاس کو بتایا گیا کہ ایک نجی کینسر ہسپتال نے اویسٹن کے 742 انجکشن رواں ماہ فروخت کیے، نجی کینسر ہسپتال سے انجکشن خریدنے والے زیادہ مریض سامنے نہیں آئے، اس موقع پر نجی کینسر ہسپتال سے انجکشن خریدنے والوں سے رابطہ کرنے کی ہدایت کی گئی۔

Share
Related Articles

سٹاک ایکسچینج میں تیزی برقرار، انڈیکس ایک لاکھ 11 ہزار پوائنٹس کی حد عبور کر گیا

کراچی: پاکستان سٹاک ایکسچینج میں نیا ریکارڈ قائم، انڈیکس ایک لاکھ 11...

پنجاب کی ایئر لائن کے قیام کی تجویز کا جائزہ لیا جا رہا ہے، مریم نواز

لاہور:وزیرِ اعلیٰ پنجاب مریم نواز نے کہا ہے کہ وزیرِ اعظم کی...

لیلیٰ زبیری نے کس بالی ووڈ اداکار کے ساتھ کام کرنے سے انکار کیا؟

 سینئر اداکارہ لیلیٰ زبیری نے انکشاف کیا ہے کہ انہیں ماضی میں...