اسلام آباد:ایڈیشنل ڈسٹرکٹ اینڈ سیشن جج طاہر عباس سپرا نے فواد چوہدری کے خلاف توہین الیکشن کمیشن کیس میں بریت کی درخواست پر نوٹس جاری کرتے ہوئے 23 اکتوبر کو دلائل طلب کرلئے ہیں۔
ایڈیشنل ڈسٹرکٹ اینڈ سیشن جج طاہر عباس سپرا نے فواد چوہدی کی بریت کی درخواست پر سماعت کی۔
وکیل فیصل چوہدری کے زریعے دائر بریت کی درخواست میں موقف اپنایا گیا ہے کہ فواد چوہدری کیخلاف مقدمہ سیاسی بنیادوں پہ بنایا گیا۔ مقدمہ میں کوئی ثبوت نہیں نا ہی ایف آئی آر میں لگائی گئی دفعات کا اطلاق ہوتا ہے۔ چالان میں بنیادی نوعیت کے ثبوت بھی نہیں حاصل کئے جا سکے۔مدعی الیکشن کمیشن کا ملازم ہے اسکے اپنے بیان کو سپورٹ کرنے کے لئے اسکا بیان تک شامل نہیں کیا گیا۔
عدالت سے استدعا کی گئی ہے کہ اس کیس میں بریت کی درخواست منظور کی جائے۔بعدازاں عدالت نے فواد چوہدری کی بریت کی درخواست پر فریقین کو نوٹسز جاری کرتے ہوئے سماعت 23 اکتوبر تک ملتوی کردی۔
