پاکستان کو جس مسیحا کی ضرورت ہے اس کا نام نواز شریف ہے،حمزہ شہباز

لاہور: سابق وزیراعلیٰ پنجاب حمزہ شہبازشریف نے پاکستان کو ایک مسیحا کی ضرورت ہے جو ملک کی معیشت کو ڈگر پر ڈالے۔

ورکرز کنونشن سے خطاب کرتے ہوئے حمزہ شہباز نے کہا اس وقت عوام کیلئے فوری ریلیف کے اقدامات ہونے چاہئیں، پٹرول، اشیائے خورونوش، بیروزگاری کا خاتمہ ہو، عام آدمی کی زندگی آسان ہو۔

انہوں نے کہا کہ پاکستان کو جس مسیحا کی ضرورت ہے اس کا نام ہے نواز شریف، 21 اکتوبر کو سارا پاکستان اپنے محبوب رہنما کا فقیدالمثال استقبال کرے گا۔

سابق وزیراعلیٰ نے مزید کہا پاکستان، پنجاب اور لاہور نواز شریف کے تاریخی استقبال کی تیاریوں میں مصروف ہے، لاہور مسلم لیگ ن کا قلعہ تھا ہے اور رہے گا، 21 اکتوبر قائد کے استقبال نہیں پاکستان کی ترقی و خوشحالی پر مہر لگنے اور عوامی ریفرنڈم کا دن ثابت ہو گا۔