نگراں وزیر اعظم انوارالحق کاکڑ سے حال ہی میں تعینات ہونے والے چیف آف نیول اسٹاف ایڈمرل نوید اشرف نے ملاقات کی۔
اسلام آباد میں ہونے والی ملاقات کے دوران نگراں وزیر اعظم نے ایڈمرل نوید اشرف کو پاک بحریہ کی کمان سنبھالنے پر مبارک باد دی اور ان سے نیک خواہشات کا اظہار کیا۔
ملاقات میں پاک بحریہ سے متعلق پیشہ وارانہ امور پر بھی تبادلہ خیال کیا گیا۔
انوارالحق کاکڑ نے نوید اشرف سے امید ظاہر کرتے ہوئے کہا کہ امید ہے کہ آپ کی سربراہی میں پاک بحریہ ملکی دفاع میں فعال کردار ادا کرتی رہے گی۔