کراچی: بھارت میں پھیلنے والے خطرناک وائرس ‘نپاہ’ کے خطرے کے پیش نظر محکمہ صحت سندھ نے ہائی الرٹ جاری کردیا۔
محکمہ صحت سندھ نے نپاہ وائرس کےخطرے کے پیش نظر تمام عملے کو الرٹ رہنےکی ہدایت کرتے ہوئے صوبے بھر کے ہسپتالوں کو مراسلہ جاری کر دیا۔
مراسلے کے مطابق سندھ بھر کے ہسپتالوں کے ایم ایس، ڈائریکٹرز اور محکمہ لائیو سٹاک کو الرٹ رہنے کی ہدایت کی گئی ہے۔
محکمہ صحت کے مطابق نپا وائرس جانوروں سےانسانوں اور انسانوں سے انسانوں میں تیزی سے پھیلتا ہے ،سندھ سمیت پاکستان بھرمیں تاحال کوئی کیس سامنےنہیں آیا۔
وائرس کی ابتدائی علامات میں بخار،سر میں درد، جسم میں درد، کوما سمیت دیگر علامات شامل ہیں، انڈیا، سنگاپور، ملائشیا، سمیت دیگر ممالک میں کیسز رپورٹ ہوئے ہیں۔
