لندن: اسرائیلی بربریت کا شکار فلسطینیوں سے اظہار یکجہتی کے لیے سینٹرل لندن میں لوگوں کا سیلاب اُمڈ آیا۔
15 ہزار سے زائد مظاہرین نے بی بی سی کے ہیڈ کوارٹرز کا گھیراؤ کیا، فری فری فلسطین کے نعروں سے وسطی لندن کی فضا گونج اٹھی، شرکا بی بی سی کے ہیڈ کوارٹرز سے پارلیمنٹ اسکوائر تک گئے۔
مظاہرین نے اسرائیلی جارحیت کے خلاف نعروں والے پلے کارڈ اٹھا رکھے ہیں، مظاہرین نے ہاتھوں میں فلسطینی پرچم بھی اٹھا رکھے تھے، مظاہرین نے اسرائیل اور امریکا کے خلاف شدید نعرے بازی کی اور اسرائیل سے فوری جنگ بندی کا مطالبہ کیا۔
