ہماری طاقت اسلحہ نہیں ایمان ہے، اسرائیل کیخلاف جنگ جہاد ہے، سربراہ حزب اللہ

بیروت: لبنانی تنظیم حزب اللہ کے سربراہ حسن نصراللہ نے کہا کہ دنیا نےاسرائیلی مظالم پرمجرمانہ طورپرآنکھیں بند کرلی ہیں۔ ہماری طاقت اسلحہ نہیں ایمان ہے، اسرائیل کیخلاف جنگ جہاد ہے۔

تقریب سے خطاب کرتے ہوئے حسن نصر اللہ نے کہا کہ فلسطینی شہیدوں کے اہل خانہ کو رتبہ شہادت حاصل کرنے پر مبارکباد اور تعزیت پیش کرتے ہیں، شہداء کا رتبہ منفرد تر ہوتا ہے۔

انہوں نے کہا کہ مسلمان شہادت کے رتبے کو اچھے سے سمجھتے ہیں، ہماری طاقت اسلحہ نہیں ایمان ہے،اسرائیل کےخلاف جنگ جہاد ہے، دنیا نےاسرائیلی مظالم پرمجرمانہ طورپرآنکھیں بند کرلی ہیں۔

حسن نصراللہ کا مزید کہنا تھا کہ طوفان اقصیٰ کی جنگ وسیع تر ہو کر مختلف محاذوں اور میدانوں تک پہنچ گئی ہے، فلسطینی ماؤں، بہنوں کی آواز پرہر قربانی کے لیے تیار ہیں۔