غزہ میں استعمال ہونے والا گولہ بارود امریکا مہیا کر رہا ہے: بلوم برگ کا انکشاف

نیویارک: امریکی جریدے نے انکشاف کیا ہے کہ امریکا بڑی خاموشی اور راز داری سے اسرائیل کو جنگی ساز و سامان دے رہا ہے۔

بلوم برگ نے اپنی رپورٹ میں کہا ہے کہ غزہ میں فلسطینیوں پر اسرائیلی حملوں میں استعمال ہونے والا گولہ بارود امریکا مہیا کر رہا ہے، اسرائیل نے پینٹاگون کو 155 ایم ایم گولے، نائٹ ویژن ڈیوائسز اور اپاچی گن شپ بیڑے کیلئے مزید لیزر گائیڈڈ میزائل بھی دینے کا کہا ہے۔

امریکی جریدے نے اپنی رپورٹ میں مزید انکشاف کیا ہے کہ امریکا یورپ کے ذخائر سے بھی ہتھیاروں کو دستیاب کرانے کے لیے کام کر رہا ہے، امریکا اسرائیل کو ہر سال 3.8 ارب ڈالر کی فوجی امداد فراہم کرتا ہے۔