مضبوط کرنسی ہی ملک کی ترقی کا سبب بنتی ہے،اسحاق ڈار

اسلام آباد:سینیٹر اسحاق ڈار نے کہا کہ ڈی ویلیوایشن کا مسئلہ بڑا سیریس، ہم بیلم گیم میں نہیں جانا چاہتے۔ہروقت ٹی وی پر بیٹھنے والے آج غائب ہیں۔

سینیٹ اجلاس میں اظہارخیال کرتے ہوئے سینیٹراسحاق ڈار نے نے کہا کہ اگر پاکستان ایٹمی قوت نہ ہوتا تو ہمارا ہمسایہ ہمیں نہ چھوڑتا، بھارت کے پانچ ایٹمی دھماکوں کے نتیجے میں چھ دھماکے کئے گئے، ایٹمی دھماکوں کے بعد بھارتی وزیراعظم چل کر پاکستان آئے، اس کے بعد ہم نے کارگل کا ایشو چھیڑ لیا۔

اسحاق ڈار نے کہا کہ ہمارے ذخائر محدود ہیں، پہلی بار1988ء میں وزیر خزانہ بنا تو ڈالر کو 52 روپے پر مستحکم رکھا، مضبوط کرنسی ہی ملک کی ترقی کا سبب بنتی ہے، بغیرتصدیق کے جھوٹ بول دیا جاتا ہے، ہمیں تو کسی حوالے سے ڈی ویلیوایشن سوٹ ہی نہیں کرتی، ہروقت ٹی وی پر بیٹھنے والے آج غائب ہیں۔

انہوں نے مزید کہا کہ شاہد خاقان عباسی کے زمانے میں 10 روپے کی ڈی ویلیوایشن ہوئی، مانیٹری پالیسی، ایکسچینج مینجمنٹ سٹیٹ بینک کی ذمہ داری ہے، پاکستان کی کرنسی کومزید مضبوط ہونا چاہئے۔