اسلام آباد: ڈسٹرکٹ اینڈ سیشن کورٹ اسلام آباد نے سابق چیئرمین پی ٹی آئی اور بشریٰ بی بی کے خلاف غیر شرعی نکاح کے معاملے میں آئندہ سماعت پر بانی چیئرمین پی ٹی آئی کو طلب کرلیا۔
ڈسٹرکٹ اینڈ سیشن کورٹ اسلام آباد نیغیر شرعی نکاح کیس میں سابق چیئرمین پی ٹی آئی کو عدالت طلب کرلیا ہے ،
سینئر سول جج قدرت اللہ نے ایک صفحے پر مشتمل سماعت کا تحریری حکم نامہ جاری کردیا، جس میں کہا گیا ہے کہ بشریٰ بی بی کی ایک روزہ حاضری سے استثنیٰ کی درخواست منظور کی جاتی ہے۔ حاضری کو یقینی بنانے کے لیے بشریٰ بی بی بطور ضمانت 50 ہزار روپے مالیت کے ذاتی مچلکے جمع کرائیں۔
حکم نامے کے مطابق سابق چیئرمین پی ٹی آئی اڈیالہ جیل میں ہیں۔ ان کی سکائپ کے ذریعے حاضری تکنیکی وجوہات کی وجہ سے نہیں ہوسکی۔ جیل سپرنٹنڈنٹ آئندہ سماعت پر سابق چیئرمین پی ٹی آئی کی حاضری کو یقینی بنائیں۔ شکایت اور دیگر دستاویزات کی نقول فریقین کو فراہم کردی گئی ہیں۔
کیس کی آئندہ سماعت18 دسمبر کو ہوگی۔