ٹک ٹاکر صندل خٹک کی سیاسی میدان میں انٹری، کاغذات نامزدگی جمع کرادیے

پشاور: معروف ٹک ٹاکر صندل خٹک نے بھی سیاسی میدان میں آنے کا فیصلہ کرلیا ہے، اُنہوں نے خیبرپختونخوا سے خواتین کی مخصوص نشست پر کاغذات نامزدگی جمع کرادیے ہیں۔

ٹک ٹاکر صندل خٹک نے کاغذات نامزدگی جمع کروانے کے بعد میڈیا سے گفتگو کرتے ہوئے کہا کہ ابھی یہ بتانا قبل از وقت ہے کہ میں کس سیاسی جماعت سے وابستہ ہوں۔

ٹک ٹاکر صندل خٹک نے کہا کہ میرے آبائی علاقے میں بہت مسائل ہے، انہی مسائل کے حل کے لیے نکلی ہوں۔

صندل خٹک نے مزید کہا کہ خواتین کو بااختیار بنانا میرا مقصد ہوگا۔