کراچی میں ریکارڈ امیداروں کے کاغذات نامزدگی مسترد

کراچی میں سب سے زیادہ کاغذات نامزدگی مسترد کیے گئے ہیں۔

ایک ہی نشست پر 27 امیدواروں کے نامزدگی فارم مسترد کیے گئے، این اے 234 کورنگی کی نشست پر 33 امیداروں نے کاغذات جمع کرائے تھے جس پر ریٹرنگ افسر نے صرف 6 امیدواروں کے کاغذات نامزدگی منظور کرکے فارم 32 جاری کیا۔

علاوہ ازیں این اے 234 سے ایم کیو ایم، پیپلز پارٹی اور پی ٹی آئی امیدواروں کے کاغذات مسترد ہوئے، پی ٹی آئی کے فہیم خان، پیپلز پارٹی کے محمد علی راشد اور ایم کیو ایم کے صادق افتخار کے فارم بھی مسترد ہوئے۔

این اے 243 کیماڑی سے 3 امیدواروں کے کاغذات نامزدگی مسترد کیے گئے، این اے 243 کے ریٹرننگ افسر نے 24 امیدواروں کے نامزدگی فارم مسترد کیے۔ ااین اے 243 سے امجد اقبال، سبحان علی اور شفاعت خان کے کاغذات مسترد کردیے گئے۔