بانی پی ٹی آئی کی کاغذات مسترد ہونے کے خلاف اپیل سماعت کے لیے مقرر

اسلام آباد:قومی اسمبلی کے حلقہ این اے 89 میانوالی سے کاغذات مسترد کیے جانے کے خلاف بانی پی ٹی آئی کی اپیل سماعت کے لیے مقرر کر لی گئی۔

الیکشن ٹربیونل نے بانی پی ٹی آئی کی اپیل سماعت کے لیے منظور کی، اپیل 7 جنوری کو سماعت کے لیے مقرر کی گئی ہے اور اس حوالے سے ریٹرننگ افسر سمیت فریقین کو نوٹس جاری کر دیے گئے ہیں۔

بانی پی ٹی آئی کی جانب سے عمیر نیازی، راجہ یاسر شریف، ملک جواد اصغر پیش ہوئے تھے۔

خیال رہے کہ لاہور کے حلقہ این اے 122 سے بھی بانی? پی ٹی آئی کے کاغذاتِ نامزدگی مسترد ہو چکے ہیں۔