اسلام آباد:الیکشن کمیشن آف پاکستان نے قومی اور صوبائی اسمبلیوں کے انتخابات کے لیے اعلی سطح کے اجلاس میں بیلٹ پیپر کی چھپائی کی باقاعدہ منظوری دے دی۔
اجلاس میں فیصلہ کیا گیا کہ بیلٹ پیپر صرف سرکاری پرنٹنگ پریس سے شائع ہوں گے۔قومی اور صوبائی اسمبلیوں کی نشستوں کے لئے مجموعی طور پر 25 کروڑ سے زائد بیلٹ پیپرز چھاپے جائیں گے۔چھپائی کا عمل تین فروری تک جاری رہے گا۔
اجلاس میں بتایاگیا کہ سرکاری پرنٹنگ پریس پر سکیورٹی کے خصوصی انتظامات کیے گئے ہیں۔بیلٹ پیپرز پولیس اور فوج کی نگرانی میں تمام اضلاع کو بھجوائے جائیں گے۔
