حکومت کی جانب سے پیٹرول کی قیمت میں بڑا اضافہ

اسلام آباد:نگران وفاقی حکومت نے پٹرولیم مصنوعات کی قیمتوں میں فی لیٹر 13 روپے 55 پیسے تک اضافہ کردیا ہے۔

وزارتِ خزانہ نےپیٹرولیم مصنوعات کی قیمتوں میں رد و بدل کا نوٹیفکیشن جاری کردیا ہے۔

وزارتِ خزانہ کے مطابق پیٹرول کی قیمت میں فی لیٹر 13 روپے 55 پیسے اضافہ کیا گیا ہے۔قیمتوں کا اطلاق رات بارہ بجے سے ہوگا اورنئی قیمتیں پندرہ فروری2024 تک لاگو رہیں گی۔

وزارت خزانہ کے جاری کردہ اعلامیہ کے مطابق پٹرولیم مصنوعات کی قیمتوں میں اضافے کے بعد پٹرول کی قیمت 259.34روپے سے بڑھا کر 272.89روپے فی لیٹر جبکہ ہائی اسپیڈ ڈیزل کی قیمت 276.21روپے سے بڑھا کر278.96روپے فی لیٹر کردی گئی ہے۔