پتنگ بازی نہ رک سکی، خونی کھیل ایک اور معصوم بچے کی جان لے گیا

سرگودھا: پنجاب میں پتنگ بازی نہ رک سکی، خونی کھیل ایک اور معصوم بچے کی جان لے گیا۔

جھال چکیاں کے علاقے تقی پارک میں ماں باپ کا اکلوتا کمسن بچہ پتنگ لوٹتے ہوئے کرنٹ لگنے سے جاں بحق ہو گیا ۔

ریسکیو ذرائع کے مطابق بچہ لوہے کا پائپ اٹھا کر کٹی ہوئی پتنگ لوٹ رہا تھا کہ پائپ ہائی وولٹیج تاروں سے ٹکرا گیا،پائپ ٹکراتے ہی بچے کو زوردار کرنٹ لگا جس سے وہ موقع پر ہی دم توڑ گیا۔

کمسن بچے کی موت سے گھر میں کہرام مچ گیا، تھانہ جھال چکیاں پولیس نے کاروائی شروع کر دی۔

یاد رہے کہ گزشتہ روز فیصل آباد میں ڈور پھرنے سے 22 سالہ آصف جاں بحق ہوگیا تھا ، آصف کی عید سے چار روز بعد شادی تھی۔