آوارہ کتوں کے کاٹنے سے پانچ سالہ بچے کی آنکھ ضائع،ہسپتال منتقل

سرگودھا:سرگودھا کے نواحی علاقہ 49 ٹیل کے رہائشی 5 سالہ بچے کو آوارہ کتوں نے کاٹ لیا۔

5 سالہ شاہزیب گھر کے سامنے گلی میں کھیل رہا تھا کہ اچانک آوارہ کتوں کے غول نے حملہ کر دیا آوارہ کتوں کے کاٹنے سے 5 سالہ بچے شاہ زیب کی آنکھ ضائع ہوگئی اور وہ شدید زخمی ہوگیا۔

ریسکیو ٹیموں نے بچے کو تشویشناک حالت میں ڈسٹرکٹ ہسپتال منتقل کر دیا جہاں بچے کو طبی امداد دی جا رہی ہے۔