اسلام آباد:ستائیسویں شب کی برکتیں سمیٹنے کیلئے مساجد میں غیرمعمولی رش،اسلام آبادکی فیصل مسجد میں ختم قرآن کی دعامیں شرکت کیلئے سینکڑوں شہری پہنچ گئے۔
ملک بھرکی طرح جڑواں شہروں کی مساجد میں بھی ستائیسویں شب کو عبادات کا خصوصی اہتمام کیاگیاہے،۔
راولپنڈی اسلام آبادکی سب سے بڑی مسجد فیصل مسجد میں ستائیسویں رمضان المبارک کو ختم قرآن کے موقع پر دعاء کااہتمام کیاگیاہے،اس دعا میں شرکت کیلئے دوردرازشہروں سے بھی لوگ آئے ہوئے ہیں۔
فیصل مسجد میں عبادت کی غرض سے آنیوالوں میں بچے بوڑھے اورخواتین کی بھی ایک بڑی تعدادموجودہے،فیصل مسجد کو خوبصورتی سے سجایاگیاہے۔
اس موقع پر سیکورٹی کابھی خصوصی اہتمام کیاگیاہے پولیس کی بھاری نفری مسجد کے باہر تعینات ہے مسجد کے مرکزی ہال میں جانے والوں کیلئے واک تھروگیٹ اور جامعہ تلاشی کے عمل سے گزاراجارہاہے۔
