‎پاک انگلینڈ تیسرا ٹی ٹوئنٹی بارش کے باعث تاخیر کا شکار

کارڈف: پاکستان اور انگلینڈ کے درمیان تیسرے ٹی ٹوئنٹی کا ٹاس بارش کے باعث تاخیر کا شکار ہو گیا۔

کارڈف میں صبح سے بارش ہو رہی ہے اور توقع ہے کہ بارش کا سلسلہ رات تک جاری رہے گا۔

انگلینڈ نے ہفتہ کو دوسرے ٹی ٹوئنٹی میں 23 رنز سے فتح حاصل کر کے سیریز میں 0-1 کی برتری حاصل کر لی تھی۔

بدھ کو لیڈز میں پہلا میچ بھی بارش کے باعث منسوخ کردیا گیا تھا، سیریز کا آخری میچ جمعرات کو اوول میں کھیلا جائے گا۔