‎پی ٹی آئی رہنما علی زمان پر حملہ، خاتون اسسٹنٹ کمشنر کے خلاف ایف آئی آر درج

پشاور: تحریک انصاف کے رہنما علی زمان ایڈووکیٹ پر حملہ کیا گیا جس میں وہ زخمی ہوگئے، علی زمان نے خاتون اسسٹنٹ کمشنر اور ان کے شوہر کے خلاف ایف آئی آر درج کرادی۔

پشاور کے علاقے فقیر آباد میں علی زمان ایڈوکیٹ پر حملہ کیا گیا جس میں نامعلوم افراد نے گاڑیوں سے اتر کر انہیں تشدد کا نشانہ بنایا اور تیز دھار آلہ بھی استعمال کیا جس سے وہ زخمی ہوگئے۔

واقعے کے بعد انہیں لیڈی ریڈنگ اسپتال منتقل کردیا گیا، وزیراعلی خیبرپختونخوا علی امین گنڈاپور ان کی عیادت کے لیے اسپتال پہنچے۔