بھارت میں مضحکہ خیز ترجمے والا سائن بورڈ سوشل میڈیا پر وائرل

کرناٹکا:کرناٹکا میں ایک ہائی وے پر نصب ایک ایمرجنسی سائن بورڈ اپنے انگریزی کے مضحکہ خیز ترجمے کی وجہ سے انٹرنیٹ پر وائرل ہو گیا ہے۔

کوڈاگو کنیکٹ نامی سوشل میڈیا صارف نے سائن بورڈ کی ایک تصویر شیئر کی جس میں لکھا تھا، “فوری طور پر ایک حادثہ رونما کریں۔” سائن بورڈ مقامی زبان کناڈا کا غلط ترجمہ ہے جس میں کہا گیا ہے “آواسراو اپگھاٹکے کرنا” یعنی تیز رفتاری حادثے کا سبب بنتی ہے۔

غلط ترجمے نے انٹرنیٹ صارفین کو کافی محضوظ کیا ہے۔ جہاں کچھ لوگوں نے سائن بورڈز کا انگریزی میں ترجمہ کرنے میں حکومت کی کارکردگی پر سوال اٹھایا ہے، وہیں دوسروں نے اس غلطی کو دلچسپ پایا ہے۔

ایک صارف نے مذاق میں کہا کہ حد ہے، اس کے لیے بھی chatgpt استعمال کرنا پڑا۔ ایک اور نے لکھا کہ فوراً کے بعد ایک کوما لگ جائے تو معنی بالکل ہی بدل جائیں۔

تیسرے صارف نے تبصرہ کرتے ہوئے کہا کہ کناڈا کی اہمیت زیادہ ہے انگریزی کی نہیں ہے۔